I MESTIÉR NÒVI

“ I MESTIÉR NÒVI “
( I NUOVI MESTIERI )


" Mó da grande cu vu fè?
Che progetto č'hai in vista?"
M'ha dit babo...:".S'pòl sapè??”
"ji da grand vòi fè'l trònista!!!"
"Mó cu è…sta ròba nòva
cu lavórne…du se tròva?"
E' un lavóro de cuncét
nèt da pòc su Mediasèt,
una nòva trasmisión
che c'è tla televisión:
tu te méti malì a séda
du le dòn te pòlne véda,
fato stà che ógni séra
tra de lóra fan cagnèra:
" Tu la bóca èi da sciaquè
prima de parlè sa mé! !"
Rispónd cl' atra inviperita:
" Brava...brava...fala fnita "!!
E tut questo sai perché?
Per pudè scapè sa mé !!!
Fan a fè chi è la più svélta
per fè in mòdo d'èsa scélta!!
"Adés babo ...dimle te...
è mèi quést...o fatighè??”
Guèrda te...cu sènt a dì...
tu me vrissi fè capì…
che se scanne(n) a più non pòs
per sapè chi “rusga l'òs”?!
O…sò ji …ch'èn ho capìt...
o le dòn s' èn immatìt,
èn m' apèr una gran via
litighè per dèla via!!
Mó comunque anca le dòn
èn paréchi in confusión…
guèrda dla ma tu surèla,
guèrda...guèrda...anca ma quéla!!
En la védi cum se mòv...
cum se śvìngla e fa le pròv??
Mentre fa dó pas de dansa 2
śména el cul e mòv la pansa !!
Cu č'avrà tla testulina!!?
“Ji da grand…vòi nì vélìna!!!
Sò sigura e non mi fermo
dapermè ji bug el schérmo,
vòi sfundè in televisión…
fè qualcò tle trasmisión,
sò decìsa a scenda in pista
per dè sfógo ma l'artista,
c'ho l'x factòr che me vónta
č'ho tut quél che sèrv e cónta...
èc perché fag cla muśtìna
e śmidól tuta la schina:
è la pròva del balét!!
Mét a punt un bèl stachét...
Perché 'l casting s'avicina…
è a Milàn…pròpi dmatìna,
ce sarà la selesión
per na nòva trasmisión…
tu 'n 'èl sèi…sarìn sètmila,
prónt…décìs…e tut in fila,
aguerìt...e per chél pòst
prónt a tut…ad ógni còst!!
Se dal casting t' mandne via…
se prucéd sa n'atra via:
per intant se cambia look
e s'impagina un bèl book,
se cùntàta de persóna
l'art directòr della zòna,
cunfidand che st'impresèri
non te fréghi e che sia séri
e s' aspèta déntra chèsa. . .
bòna,bòna...sì in atésa!
Sógn-ne un móndo sfavilànt…
cum se dič…ah…rutilànt
fat de gòssip...de servìsi...
sa le fòto tle rivìst…
mó purtròp è pin de visi…
d'invidióś ...è fals e trist!
E' un percorso che se snòda
tra le fèst...i vip...la mòda... 3
sembra un móndo ch' è tut d'òr,
discutéca...e...calciatór!!
Mó la vita en è finsión,
en è sól televisión:
ógni giórne sarà dura
una lòta per gì avanti
ógni giórne n'aventura,
mó è 'l destìn de tuti quanti…
tuti i giórne č'n'è una nòva..
è la vita ch' è na pròva!!
Fòrsa…ràga... stà a sentì :
èn te fè incucutì...
èn seguì sól sti mudèi
mét-te giù…studia...ch’è mèi!!

ELVIO GRILLI