I GIÒC

“ I GIÒC “

( I GIOCHI ) 03/07/2009



Ògigiórne l’abundànsa
č’ha furnìt d’ógni sustànsa,
anca quéi che non č’han tant
se pòl dì ch’èn benestànt!!
Se lavóri e t’dèi da fè,
qualcusina pu cumprè…
sópratut quand prèndi mói..
e pu dòp quand nasč i fiòi !!
Fèt un gir dentra le chès…
git a véda quant han spés,
fèt un gir tle camerét...
sóta,sópra...e dentra el lèt!!
Na muntagna de badùrle…
de giucàtul e strumènt,
che da Fan...arìvne al Furle,
tra j’atrés e j’indumènt,
na valanga de serpènt :
càmiòn,mèchin e pupàs,
bambulìn...róbót più grand
che s’argirne e tirne i ras…
tuti sal telecómand!!
Certi giòc per purtèi su
o sì in dó...o č’vòl la grù,
ròba gròsa …ch’dà impurtànsa
pustasión da mèza stansa,
machinèri semuvènt…
cabinèt...cum fussa gnènt…
cas...én vria che l’éréd…
crésc...sal trauma…s’èn pusiéd!!
Nò en c’avémi tanti mèz...
lavurèmi d’fantasia,
mica éra cum adès…
tuta sta tecnólógia!!
Ji m’arcòrd..che sa l’ingégn…
se prendéva dó pés d’légn,
se squadrèvne sa la raspa…
se liscèvne quanto basta,
pianti un chiòd e cume gnènt
èca el tub de scapamènt!! 2
Cèrt te còsta un po’ d’sudòr
mó era pròpi un bel tratór!!
E tra càmión ,rusp e grù
fèvi quél che vlévi tu!
Òğ invéc è tut perfèt,
guèsi tut mécanisèt:
c’è ‘l còmpiùter per giuchè,
c’è’l nòte- book…per lavurè,
c’è ‘l ròbòt che se trasfòrma
che t’asùm qualsiasi fòrma,
virelèss,hard disk,blu tut
micročhìp...ch’èn dapértut...
l’elettrònica che avansa...
mentr’intant te crésč la pansa!!
« Tu vu fè n’upérasión? »
Basta ch’tròvi...la funsión..
“ Tu vu svòlgia na facènda?”
C’è’l programma...basta acènda…!
Sti pòr fiòi...èn fan più gnènt…
cum i pói d’alevamènt:
che i se staca l’òs dla còscia
tra la carne mèza flòscia!!
Nò credén d’èsa più bèi…
mó anca nò sin animèi!!
Quand èn fèi più’n muvimènt…
tut i mùscoli ch’č’avén
dvéntne mósci...incunsistènt,
o...t’aléni…e fèi bén bén…
o ...t’artròvi cum i pói…
gras...e ...mósč..anca s’in vòi!!
ELVIO GRILLI